Ug ni-ikyas napud ko sa tipon-tipon,
Humana bitaw ko'g panihapon
Mas maayo ning mag-inusara ta
si kaugilon ra atong kontra
kahibaw ko unsaon pagpildi kung mangaway
pero usahay, mapildi pud ko- usahay
Hagdon ko ug panglaki ug tanduay,
di nalang nako kabantay, nabubuan ko'g pagmahay
sa kanang higayuna, makat-on ko'g minaldito
kay kung magminaldito ko,aw, ako'y daog sigurado
Pero usahay, tuyo-on nako'g papildi
labi na kung gikaon na siya's kaluya
sa kanang higayuna, maluoy ko niya
labi na kung gatuwad siya’g hinilak murag sigbin
sa kanang higayuna, maghilom-hilom nalang ko's daplin
mao pa na ang wa nako masulbad, wa pa nako ma-master
sa kanang higayuna, wala ko'y mahuna-hunaan nga musaler
unsaon pag-am-am, unsaon pagpawng sa agas sa iyang luha
sa kanang higayuna, pildi ming duha.
