Dok Russ, Na-unsa man ko?
Mr Ligtas, di pa raba ko katubag nimo
Ako pa kang obserbahan og usa ka buwan
kay imong simptomas, arang ka daghan
Kining klaseng sakita
Wa pa’y tambal nga naresita
Sa pagkakaron, mao sa ni ang buhata,
Mahitungod sa imong gipangbati og uban pa:
Kung wa kay gana mukaon,
Labi na kung tingpanihapon,
Pag-usap lang ug daghang pulong
Parese'g kape o mani, puede pud chicharon
Kung maglisod ka'g ginhawa
sa kahadlok sa ugma,
pa-aso lang ug Marlboro o winston,
ayaw lang gyud ng Fortune- kay bakakon
Kung inig gabii mamaak ang kamingaw,
Himo-a'g muskitero ang kusog nga “sounds”
Kanang Bjork, puede pud Bach, Beatles, o Placebo
Basta naay “b” ang pangan para bibo
Kung mangatol imong panit
sa biga og kainit
pero way ayo tanang imong ka-textmate
Antos lang dong, pag-masturbate
Kung mulabad imong ulo sa kasapot
sa kalibutan og kinabuhi nga panaghisgot
ayaw usa'g apil sa pagtuyok
pahuway- katulog- hagok
og kanang paghalang sa imong dughan
sa paghinumdum nga ikaw biniyaan,
dut-i lang ug unlan,
taud-tauri para ang kahapdos maminos-minosan
Pero Mr Ligtas,
Sama sa akong gisulti, dili kini siguradong lunas
Kung sa tambal pa, “pain reliever” ra ni sila
Busa, kung dili kini musaler
ayaw lang gyud kalimti, matag adlaw, tumar og vitamin beer
