Human na ang kasal
Hurot na ang inasal
Human na ang kumbira
Hugaw na ang kutsara
Human na ang lingaw-lingaw
Mga langaw nalang ang gasayaw-sayaw
Ang bag-ong mingyo
tu-a na, gipangmino
sa ilang kaugalingong tuno
sa Thailand ba o sa buwan
basta, di na makit-an
ang mga pak-an.
Apan, adunay nagpabilin
Tua sa daplin, si Kurdapaya namasin
Akong nadunggan
ang hiyos sa iyang dughan
Naghagawhaw –
Wa ta kahibaw
Basin naa pa’y lain bahaw.
